Grendemøte i Kyrkjebygd 13. januar

Kring 55 åsdølar møtte opp på det siste av i alt 3 grendemøte.
Stemningen var god og meiningane mange om kva som må til for å få ei positiv utvikling i kommunen. Eg ønskjer å takka alle som sette av tid til møtet. Dialogen i møtet vert eit viktig grunnlag for dei som nå skal arbeida vidare med kommuneplanen.

Ei oppsummering av grendemøta finn du her.

Ellers vil eg nytte høvet til å minne om fristen for innspel som er sett til 25. januar. Sendast skriftleg til Åseral kommune.

Frå diskusjonen under gruppearbeidet

Grendemøte på Kylland 7. januar

Omlag 40 personar møtte opp ein kald januarkveld for å diskutera den nye kommuneplanen for Åseral. Møtet vart halden etter same mal som møtet på Lognavatn, der spørmålet om korleis kommunen bør prioritera sin pengebruk sto sentralt.

Synpunkta som kom fram var mange, nokre nemnast her:

• Trong for lokale der fleire verksemdet kan samlast. Vellukka døme på dette finnast mellom anna i Sirdal.
• Bør målet vera å stabilisera folketalet framfor å nytte ressursar på ein auke
• Alle treng ikkje få tilskot - kommunen må prioritera.
• Viktig å få bygd ut med fiber til alle bustader, samt betre mobildekninga.
• For få arbeidsplassar for dei som tek høgare utdanning - korleis skal vi unngå at dei "utdannar seg vekk"?
• Betre med rente- og avdragsfrie lån framfor tilskot?
• Trong for rådgjeving for dei som driv eiget firma.

Fullstendig referat vert lagt ut på bloggen når det sist grendemøtet er halden på rådhuset onsdag 13. januar kl. 19.00.

Frå plenumsdiskusjonen

Grendemøte på Lognavatn 6. januar

Onsdag 6. januar var det duka for det første av tre grendemøte i samband med kommuneplanarbeidet. Omlag 25 personar møtte fram, ein god blanding av inbyggjarar, politikarar og folk i frå kommuneadministrasjonen.

I møtet vart deltakarane utfordra på følgjande problemstilling; Sett i ljos av at kommunen må redusere sine utgifter. Er det tilskot eller tiltak for fellesskapet som best er eigna til å oppfylla mål om vekst i folketalet, fleire arbeidsplassar, betre levekår og å få eit høgare utdanningsnivå?

Dei to siste grendemøta i denne omgang vert på Kylland grendehus 7/1, og Åseral rådhus 13/1.

Møta startar kl. 19.00. Ei oppsummering av diskusjonen på møta vert lagt ut på bloggen etter dette.

Eg vil ellers nytte høvet til å takke for godt oppmøte og ein engasjert forsamling.

Flittig diskusjon under gruppearbeidet

KOMMUNEPLAN FOR ÅSERAL 2010 - 2020

Åseral - kor skal vi?
- vil du vera med å forme framtida for kommunen vår?

Kommuneplanen har følgjer for ditt liv i Åseral, anten du er tomteeigar, grunneigar, om du er ung eller gamal, fatsbuande eller vitjande. Kommunestyret har starta arbeidet med å lage ny kommuneplane og er interessert i innspel frå deg!

Sjå oppstartsmelding og forslag til planprogram på kommune sin heimeside.